ചരിത്രം രചിക്കാനൊരുങ്ങി
രണ്‍ദീപ്‌ ഹൂഡ
കഥാപാത്രത്തിന്റെ പൂര്‍ണ്ണതയ്‌ക്കുവേണ്ടി ത്യാഗമനുഷ്‌ടിക്കുന്ന പല താരങ്ങളെയും നാം കണ്ടിട്ടുണ്ട്‌. 2008ല്‍ തിയേറ്ററുകളിലെത്തിയ ഹംഗര്‍ എന്ന ചിത്രത്തില്‍ ജയില്‍ അധികൃതരുടെ ക്രൂരതയ്‌ക്കെതിരെ 66 ദിവസം നിരാഹാരം കിടന്ന്‌ മരണം വരിക്കുന്ന ബോബി സാന്റോസ്‌ എന്ന കഥാപാത്രത്തിലൂടെ മൈക്കിള്‍ ഫാസ്‌ബെന്റര്‍ ഹോളിവുഡിലൂടെ ലോകത്തെ ഞെട്ടിച്ചിരുന്നു. മെഷിനിസ്‌റ്റ് എന്ന ചിത്രത്തിലൂടെ ക്രിസ്‌റ്റ്യന്‍ ബെയിലും ഒടുവില്‍ റെലെവന്റ്‌ എന്ന ചിത്രത്തിലൂടെ ഡികാപ്രിയോയും ലോകത്തെ ഞെട്ടിച്ചുകൊണ്ടിരുന്നു. ഹോളിവുഡില്‍ മാത്രമല്ല, ഇന്ത്യന്‍ സിനിമയിലും കഥാപാത്രത്തിന്റെ പൂര്‍ണ്ണതയ്‌ക്കായി കഠിന പ്രയത്നം ചെയ്യുന്നവരെ നമുക്ക്‌ കാണാം. ഈ നിരയിലേക്ക്‌ ഞെട്ടിപ്പിക്കുന്ന മെയ്‌ക്ക് ഓവറുമായി എത്തുകയാണ്‌ ബോളീവുഡില്‍നിന്നും രണ്‍ദീപ്‌ ഹൂഡ.
പുതിയ ചിത്രമായ 'സരബ്‌ജിത്തി'നുവേണ്ടി രണ്‍ദീപ്‌ ശരീര ഭാരം 18 കിലോയാണ്‌ കുറച്ചത്‌. അത്‌ വെറും 28 ദിവസംകൊണ്ട്‌. ഒരു മാസംകൊണ്ട്‌ പ്രാകൃത രൂപം കൈവരിച്ച സരബ്‌ജിത്‌ ലുക്കിലൂടെ ആരാധകരെ ഞെട്ടിപ്പിക്കാനൊരുങ്ങുകയാണ്‌ രണ്‍ദീപ്‌.
പാകിസ്‌താനിലെ കോട്‌ ലോക്‌പഥ്‌ ജയിലില്‍ വധശിക്ഷ കാത്തുകിടന്ന്‌ ഒടുവില്‍ മരണത്തിന്‌ കീഴടങ്ങിയ സരബ്‌ജിത്‌ എന്ന ഇന്ത്യക്കാരന്റെ കഥയാണ്‌ ചിത്രത്തിന്റെ പ്രമേയം. ജയിലില്‍ തുടര്‍ച്ചയായി സഹതടവുകാരുടെ ക്രൂര മര്‍ദനത്തിന്‌ ഇരയായ സരബ്‌ജിത്‌ സിങ്‌ ലാഹോറിലെ ജിന്ന ആശുപത്രിയില്‍ മരണപ്പെടുകയായിരുന്നു.
രണ്‍ദീപ്‌ ഹൂഡ തന്നെ ഞെട്ടിപ്പിച്ചുകളഞ്ഞുവെന്ന്‌ ചിത്രത്തിന്റെ സംവിധായകന്‍ ഒമംഗ്‌ കുമാര്‍ പറയുന്നു. കഥാപാത്രത്തിനുവേണ്ടി നന്നായി ഭാരം കുറയ്‌ക്കേണ്ടത്‌ അത്യാവശ്യമായിരുന്നു. എന്നാല്‍ മിക്ക നടന്മാരും ഇത്‌ സമ്മതിക്കാറില്ല. പക്ഷേ കഥ കേട്ടയുടന്‍ സരബ്‌ജിത്ത്‌ ആകാന്‍ രണ്‍ദീപ്‌ സമ്മതിക്കുകയായിരുന്നു. അത്‌ മാത്രമല്ല, തന്നെപ്പോലും ഞെട്ടിച്ചുകൊണ്ട്‌ വെറും ഒരു മാസംകൊണ്ട്‌ രണ്‍ദീപ്‌ പൂര്‍ണ്ണമായും സരബ്‌ജിത്ത്‌ ആയിക്കഴിഞ്ഞുവെന്നും ഒമംഗ്‌ കുമാര്‍ പറഞ്ഞു. മേയ്‌ 19ന്‌ തിയേറ്ററുകളില്‍ എത്തുന്ന ചിത്രത്തില്‍ സരബ്‌ജിത്തിന്റെ സഹോദരി ദല്‍ബീര്‍ കൗറായി ഐശ്വര്യാ റായിയും തിരശീലയിലെത്തും.
(കടമെടുത്ത പോസ്റ്റ്.)
രണ്‍ദീപ്‌ ഹൂഡ
കഥാപാത്രത്തിന്റെ പൂര്‍ണ്ണതയ്‌ക്കുവേണ്ടി ത്യാഗമനുഷ്‌ടിക്കുന്ന പല താരങ്ങളെയും നാം കണ്ടിട്ടുണ്ട്‌. 2008ല്‍ തിയേറ്ററുകളിലെത്തിയ ഹംഗര്‍ എന്ന ചിത്രത്തില്‍ ജയില്‍ അധികൃതരുടെ ക്രൂരതയ്‌ക്കെതിരെ 66 ദിവസം നിരാഹാരം കിടന്ന്‌ മരണം വരിക്കുന്ന ബോബി സാന്റോസ്‌ എന്ന കഥാപാത്രത്തിലൂടെ മൈക്കിള്‍ ഫാസ്‌ബെന്റര്‍ ഹോളിവുഡിലൂടെ ലോകത്തെ ഞെട്ടിച്ചിരുന്നു. മെഷിനിസ്‌റ്റ് എന്ന ചിത്രത്തിലൂടെ ക്രിസ്‌റ്റ്യന്‍ ബെയിലും ഒടുവില്‍ റെലെവന്റ്‌ എന്ന ചിത്രത്തിലൂടെ ഡികാപ്രിയോയും ലോകത്തെ ഞെട്ടിച്ചുകൊണ്ടിരുന്നു. ഹോളിവുഡില്‍ മാത്രമല്ല, ഇന്ത്യന്‍ സിനിമയിലും കഥാപാത്രത്തിന്റെ പൂര്‍ണ്ണതയ്‌ക്കായി കഠിന പ്രയത്നം ചെയ്യുന്നവരെ നമുക്ക്‌ കാണാം. ഈ നിരയിലേക്ക്‌ ഞെട്ടിപ്പിക്കുന്ന മെയ്‌ക്ക് ഓവറുമായി എത്തുകയാണ്‌ ബോളീവുഡില്‍നിന്നും രണ്‍ദീപ്‌ ഹൂഡ.
പുതിയ ചിത്രമായ 'സരബ്‌ജിത്തി'നുവേണ്ടി രണ്‍ദീപ്‌ ശരീര ഭാരം 18 കിലോയാണ്‌ കുറച്ചത്‌. അത്‌ വെറും 28 ദിവസംകൊണ്ട്‌. ഒരു മാസംകൊണ്ട്‌ പ്രാകൃത രൂപം കൈവരിച്ച സരബ്‌ജിത്‌ ലുക്കിലൂടെ ആരാധകരെ ഞെട്ടിപ്പിക്കാനൊരുങ്ങുകയാണ്‌ രണ്‍ദീപ്‌.
പാകിസ്‌താനിലെ കോട്‌ ലോക്‌പഥ്‌ ജയിലില്‍ വധശിക്ഷ കാത്തുകിടന്ന്‌ ഒടുവില്‍ മരണത്തിന്‌ കീഴടങ്ങിയ സരബ്‌ജിത്‌ എന്ന ഇന്ത്യക്കാരന്റെ കഥയാണ്‌ ചിത്രത്തിന്റെ പ്രമേയം. ജയിലില്‍ തുടര്‍ച്ചയായി സഹതടവുകാരുടെ ക്രൂര മര്‍ദനത്തിന്‌ ഇരയായ സരബ്‌ജിത്‌ സിങ്‌ ലാഹോറിലെ ജിന്ന ആശുപത്രിയില്‍ മരണപ്പെടുകയായിരുന്നു.
രണ്‍ദീപ്‌ ഹൂഡ തന്നെ ഞെട്ടിപ്പിച്ചുകളഞ്ഞുവെന്ന്‌ ചിത്രത്തിന്റെ സംവിധായകന്‍ ഒമംഗ്‌ കുമാര്‍ പറയുന്നു. കഥാപാത്രത്തിനുവേണ്ടി നന്നായി ഭാരം കുറയ്‌ക്കേണ്ടത്‌ അത്യാവശ്യമായിരുന്നു. എന്നാല്‍ മിക്ക നടന്മാരും ഇത്‌ സമ്മതിക്കാറില്ല. പക്ഷേ കഥ കേട്ടയുടന്‍ സരബ്‌ജിത്ത്‌ ആകാന്‍ രണ്‍ദീപ്‌ സമ്മതിക്കുകയായിരുന്നു. അത്‌ മാത്രമല്ല, തന്നെപ്പോലും ഞെട്ടിച്ചുകൊണ്ട്‌ വെറും ഒരു മാസംകൊണ്ട്‌ രണ്‍ദീപ്‌ പൂര്‍ണ്ണമായും സരബ്‌ജിത്ത്‌ ആയിക്കഴിഞ്ഞുവെന്നും ഒമംഗ്‌ കുമാര്‍ പറഞ്ഞു. മേയ്‌ 19ന്‌ തിയേറ്ററുകളില്‍ എത്തുന്ന ചിത്രത്തില്‍ സരബ്‌ജിത്തിന്റെ സഹോദരി ദല്‍ബീര്‍ കൗറായി ഐശ്വര്യാ റായിയും തിരശീലയിലെത്തും.
(കടമെടുത്ത പോസ്റ്റ്.)
